19 Aprel 2008-ci ildə, Ukraynanın Odessa şəhərində keçirilən "2 gün, 2 gecə" festivalında səslənmiş əsərim.
İfaçılar: "senza sforzando" ansamblı
Əsərin synopsis`i:
Firudin Allahverdi
Klarnet, violin, violonçel və hazırlanmış piano üçün “Təfsir” (2008)
Təfsir - ərəb sözü olub, mənası açıqlamaq deməkdir. Orta əsrlər müsəlman Şərqində müxtəlif elm və
sənət adamları özlərindən əvvəl yaşamış alim və filosofların fikirlərini və nəzəriyyələrini şərh edən
kitablarına Təfsir adı qoyurdular. Bundan başqa müsəlmanların müqəddəs kitabı – Quran`ın da əsrlər
boyu müxtəlif təfsirləri yazılmışdır.
Əsərdə təfsir olunan məsələ - orta əsr şərqində “yaşamış” anonim bəstəkarın fikirləridir. Şərqdə yüz
illərdir ki, mövcud olan əsas musiqi – Muğamlar ayrı-ayrılıqda müxtəlif formalara malik olsalar da, əsas
konturlar bütün muğamlarda eynilədir:
1. Bərdaşt – giriş. Əsasən alətlərin orta registlərində ifa olunan prelyudiya xarakterli musiqi.
2. Maye – tonika. Muğamın bu hissəsi mərkəzi hissə sayılır. Əsasən tonika ətrafında gəzişmə baş
verir.
3. Təsnif – Ərəb sözü olub “bölmək” mənasına gəlir. Muğamın hissələri arasında mahnı xarakterli
ritmik musiqi. (Əsərin bu hissəsində musiqiçilər sanki eyni “Təsnif”i müxtəlif interpretasiyalarda,
“təfsir”lərdə ifa edirlər.)
4. Zil – formanın kulminasiyası. Əsasən Bərdaşt və Maye`dəki musiqi fikirlərinin inkişafı.
